കൊച്ചി: വരാന്‍ പോകുന്ന വേനലിനെത്തുടര്ന്നുണ്ടായേക്കാ
പ്രധാന ജലസ്രോതസുകളിലൊന്നായ പുറപ്പള്ളിക്കാവില്‍ റെഗുലേറ്റര്‍ കം ബ്രിഡ്ജ് നിര്‍മിക്കുന്നതിനുള്ള നടപടികള്‍ ഉടന്‍ ആരംഭിക്കുന്നതിന് യോഗം തീരുമാനിച്ചു. കുടിവെള്ളം, കൃഷി എന്നിവയ്ക്കായി ഫണ്ട് ഉടന്‍ ലഭ്യമാക്കാന്‍ നടപടികള്‍ സ്വീകരിക്കും. ജില്ലയുടെ വിവിധ കുടിവെള്ള പദ്ധതികളില്‍ പുതിയ മോട്ടോറുകള്‍, സ്റ്റാന്‍ബൈ എന്നിവ ആവശ്യമുണ്ടെങ്കില്‍ അതു സംബന്ധിച്ച് ബന്ധപ്പെട്ട് വകുപ്പ് മേധാവികള്‍ റിപ്പോര്‍ട്ട് നല്‍കണം. ഇതിനായുള്ള ഫണ്ടിന് ജില്ലാ കളക്ടര്‍ സര്‍ക്കാരിനു മുന്നില്‍ റിപ്പോര്‍ട്ട് സമര്‍പ്പിക്കും. വിവിധ വകുപ്പുകളെ ഏകോപിപ്പിച്ചു പദ്ധതികള്‍ പൂര്‍ത്തിയാക്കാന്‍ യോഗത്തില്‍ തീരുമാനമായി.
തൃപ്പൂണിത്തുറ, ഉദയംപേരൂര്‍ ഭാഗങ്ങളില്‍ നേരിടുന്ന കടുത്ത ജലക്ഷാമം പരിഹരിക്കുന്നതിന് ചൂണ്ടിയില്‍ ചെക്ക്ഡാം നിര്‍മിക്കുന്നതു സംബന്ധിച്ച് ജനപ്രതിനിധികളുടെയും ഉദ്യോഗസ്ഥരുടെയും യോഗം വിളിച്ചുചേര്‍ത്ത് ചര്‍ച്ച ചെയ്യും. ഇതിനായി ഡിസാസ്റ്റര്‍ വിഭാഗം ഡെപ്യട്ടി കളക്ടര്‍ കെ. ബി. ബാബുവിനെ ചുമതലപ്പെടുത്തി. ഒരു താത്കാലിക സംവിധാനത്തിനു പകരം സ്ഥിരം സംവിധാനം വേണമെന്ന ആവശ്യം ഇവിടെ ഉയര്‍ന്ന സാഹചര്യത്തിലാണിത്.
തുതിയൂരില്‍ റോഡ് വികസിപ്പിക്കുന്നതിനായി പൈപ്പ് ലൈന്‍ മാറ്റി സ്ഥാപിച്ചുകൊടുക്കണമെന്നു വാട്ടര്‍ അതോറിറ്റിക്കും റോഡ് എത്രയും വേഗം പൂര്‍ത്തിയാക്കാന്‍ കെഎസ്ടിപിക്കും ജില്ലാ കളക്ടര്‍ നിര്‍ദേശം നല്‍കി. ഇതു കൂടാതെ ജില്ലയില്‍ കാലപ്പഴക്കം വന്ന പൈപ്പുകള്‍ മാറ്റി സ്ഥാപിക്കുന്ന നടപടികളും വേഗത്തില്‍ പൂര്‍ത്തിയാക്കണം. കുന്നത്തുനാട് ഗ്രാമപഞ്ചായത്തില്‍ അച്ചപ്പന്‍നായര്‍ കവല മുതല്‍ കരിമുകള്‍ വരെയുള്ള ഭാഗത്ത് റോഡ് പണി വേഗത്തില്‍ പൂര്‍ത്തിയാക്കി പൈപ്പ് മാറ്റി സ്ഥാപിക്കാന്‍ അവസരമൊരുക്കണമെന്നു കെഎസ്ടിപിക്കും നിര്‍ദേശം നല്‍കി. റോഡ് പണി പൂര്‍ത്തിയാക്കാതെ പൈപ്പ് മാറ്റാന്‍ അനുവദിക്കില്ലെന്ന ജനങ്ങളുടെ നിലപാട് കണക്കിലെടുത്താണിത്. ഇതിനുള്ള ഫണ്ട് കെഎസ്ടിപിക്ക് അനുവദിക്കുന്നതിന് ഉടന്‍ നടപടികള്‍ സ്വീകരിക്കും.
തൃശൂര്‍ ജില്ലയില്‍ മഴവെളളം സംഭരിക്കുന്നതിനു സ്വീകരിച്ചിരിക്കുന്ന മഴപ്പൊലിമ പദ്ധതി എറണാകുളം ജില്ലയിലും നടപ്പിലാക്കുമെന്നു ജില്ലാ കളക്ടര്‍ അറിയിച്ചു. ഇതിനു തദ്ദേശസ്വയംഭരണ സ്ഥാപനങ്ങളാണു മുന്നിട്ടിറങ്ങേണ്ടത്. നടപടികള്‍ ഏകോപിപ്പിക്കുന്നതിനായി പഞ്ചായത്ത് ഡെപ്യൂട്ടി ഡയറക്ടറെ ചുമതലപ്പെടുത്തി. തദ്ദേശസ്വയംഭരണ സ്ഥാപനങ്ങളില്‍ ഇപ്പോള്‍ നടപ്പിലാക്കുന്ന കുടിവെള്ള പദ്ധതികള്‍ വേനലിനു മുമ്പ് പൂര്‍ത്തിയാക്കണമെന്നും ജില്ലാ കളക്ടര്‍ നിര്‍ദേശിച്ചു. യോഗത്തില്‍ ഡിസാസ്റ്റര്‍ വിഭാഗം ഡെപ്യൂട്ടി കളക്ടര്‍ കെ. ബി. ബാബു, ജില്ലാ ആസൂത്രണ സമിതി ഓഫീസര്‍ സാലി ജോസഫ്, ജൂനിയര്‍ സൂപ്രണ്ട് ബീന ആനന്ദ്, വാട്ടര്‍ അതോറിറ്റി, പൊതുമരാമത്ത്, കെഎസ്ടിപി, കെഎസ്ഇബി ഉള്‍പ്പെടെ മറ്റ് വകുപ്പ് പ്രതിനിധികള്‍ തുടങ്ങിയവര്‍ യോഗത്തില്‍ പങ്കെടുത്തു.
ജനപങ്കാളിത്തവുമായി മഴപ്പൊലിമ
കൊച്ചി: മഴവെള്ളം സംഭരിക്കാനും സംരക്ഷിക്കാനും തൃശൂര്‍ ജില്ലയില്‍ നടപ്പിലാക്കിക്കൊണ്ടി രിക്കുന്ന പദ്ധതിയാണ് മഴപ്പൊലിമ. ജില്ലാ ഭരണകൂടം മുന്‍കൈയെടുത്ത് ജനപങ്കാളിത്തത്തോടെ നാലരലക്ഷം കിണറുകളില്‍ മഴവെള്ളമെത്തിക്കുന്ന ഈ പരിപാടിക്ക് ആവേശകരമായ പ്രതികരണമാണു ലഭിക്കുന്നത്. സാമൂഹികമായ ബോധവത്കരണവും കര്‍മപരിപാടികളുമാണ് ഇതിന് അടിസ്ഥാനം. വീടുകളുടെ മേച്ചിലുകളില്‍ വീഴുന്ന വെള്ളം ഒട്ടും പാഴാക്കാതെ സമീപത്തെ കിണറുകളില്‍ എത്തിക്കുന്നു. തീരമേഖലയില്‍ ഏറ്റവും യോജ്യമാണ് ഈ പദ്ധതിയെന്നു തെളിയിക്കപ്പെട്ടുകഴിഞ്ഞു. ഉപ്പുരസമില്ലാത്ത ഏറ്റവും ശുദ്ധമായ വെള്ളമാണ് ഇതിലൂടെ ലഭിക്കുന്നത്. ആദ്യമഴയോടെ വീടുകളുടെ മേച്ചില്‍ വൃത്തിയാക്കപ്പെടുന്നു. മഴപ്പൊലിമ ആദ്യമായി എല്ലാവീടുകളിലും സമ്പൂര്‍ണമായി നടപ്പിലാക്കിയതിന്റെ സംസ്ഥാനതല ബഹുമതി തിരുവില്വാമല ഗ്രാമപഞ്ചായത്തിനാണ്.
ജില്ലയില്‍ ഇതുവരെ 20,000 കിണറുകളില്‍ ഇത്തരത്തില്‍ മഴവെള്ളമെത്തിക്കുന്നതിനുള്ള യൂണിറ്റുകള്‍ സ്ഥാപിച്ചിട്ടുണ്ട്. ഒരുലക്ഷത്തോളെ പേര്‍ക്ക് ഇതിന്റെ പ്രയോജനം ലഭിക്കുന്നു.
കരാര്‍ നിയമനം
കൊച്ചി: ജില്ലയില്‍ പ്രവര്‍ത്തിച്ചു കൊണ്ടിരിക്കുന്ന 16 താത്കാലിക ജുഡീഷ്യല്‍ മജിസ്‌ട്രേറ്റ് കോടിതികളിലേക്ക് കരാര്‍ അടിസ്ഥാനത്തില്‍ ജോലി ചെയ്യുന്നതിന് പി.എസ്.സി നിഷ്‌കര്‍ഷിക്കുന്ന യോഗ്യതയുളള ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. അപേക്ഷകള്‍ ഒക്‌ടോബര്‍ 31 ന് മുമ്പായി എറണാകുളം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ ലഭിക്കണം. ഓരോ തസ്തികയ്ക്കും പ്രത്യേകം അപേക്ഷിക്കണം. (അപേക്ഷകര്‍ നിര്‍ബന്ധമായും അവരവരുടെ ഫോണ്‍ നമ്പര്‍ അപേക്ഷയില്‍ ചേര്‍ക്കണം)
എല്‍.ഡി. ക്ലര്‍ക്ക് 17,000/-രൂപ, (പി.എസ്.സി നിഷ്‌കര്‍ഷിക്കുന്ന യോഗ്യത, കമ്പ്യൂട്ടര്‍ പരിജ്ഞാനം ഉളളവര്‍ക്ക് മുന്‍ഗണന) എല്‍.ഡി ടൈപ്പിസ്റ്റ് 17,000/- രൂപ, (പി.എസ്.സി നിഷ്‌കര്‍ഷിക്കുന്ന യോഗ്യത),പ്യൂണ്‍/ഒ.എ 14,000/- രൂപ, പി.എസ്.സി നിഷ്‌കര്‍ഷിക്കുന്ന യോഗ്യത, പി.റ്റി സ്വീപ്പര്‍ 7000/- രൂപ എന്നീ തസ്തികകളിലേക്കാണ് നിയമനം.
കയര്‍ തൊഴിലാളികള്‍ക്ക് ഇന്‍ഷ്വറന്‍സ് പദ്ധതി
കൊച്ചി: കയര്‍ തൊഴിലാളികളെ സാമൂഹിക സുരക്ഷ ഇന്‍ഷ്വറന്‍സ് പദ്ധതി അംഗമാക്കുന്നതിനുളള ആബി ഇന്‍ഷ്വറന്‍സ് രണ്ടാംഘട്ട രജിസ്‌ട്രേഷന്‍ ആരംഭിച്ചു. പൂര്‍ണമായും സംസ്ഥാന സര്‍ക്കാര്‍ സഹായത്തോടെ എല്‍.ഐ.സി വഴി നടപ്പിലാക്കുന്ന ആം ആദ്മി ബീമാ യോജന ഇന്‍ഷ്വറന്‍സ് പദ്ധതിയുടെ രണ്ടാംഘട്ട രജിസ്‌ട്രേഷന്‍ നടപടികളാണ് ആരംഭിച്ചിട്ടുളളത്. കയര്‍ തൊഴിലാളി ക്ഷേമനിധിയില്‍ അംഗങ്ങളായ എല്ലാ കയര്‍ തൊഴിലാളികള്‍ക്കും ആബി അംഗത്വത്തിന് അര്‍ഹതയുണ്ട്. കയര്‍ വര്‍ക്കേഴ്‌സ് സുരക്ഷാ ബീമാ യോജന പദ്ധതി വഴി എല്‍.ഐ.സി യുടെ ആബി അംഗത്വം എടുത്തവരും നിലവില്‍ ആബിയില്‍ രജിസ്റ്റര്‍ ചെയ്തിട്ടുളളവരും വീണ്ടും അംഗമാകേണ്ടതില്ല. രജിസ്‌ട്രേഷന്‍ ഒക്‌ടോബര്‍ 17 മുതല്‍ 30 വരെ അക്ഷയകേന്ദ്രങ്ങള്‍ വഴി ചെയ്യാവുന്നതാണ്.
18 നും 59 നും ഇടയില്‍ പ്രായമുളള കയര്‍ തൊഴിലാളി ക്ഷേമനിധിയില്‍ അംഗത്വമുളള ഏതൊരാള്‍ക്കും അക്ഷയകേന്ദ്രങ്ങള്‍ വഴി ആബീ ഇന്‍ഷ്വറന്‍സ് പദ്ധതിയില്‍ ചേരാം. ഇതിനായി തൊഴിലാളികള്‍ റേഷന്‍കാര്‍ഡ്, ആധാര്‍കാര്‍ഡ്, ക്ഷേമനിധി പാസ്ബുക്ക് എന്നീ രേഖകളുമായി അക്ഷയകേന്ദ്രങ്ങളില്‍ നേരിട്ടു ഹാജരായി രജിസ്‌ട്രേഷന്‍ ഫീസായി 15 രൂപ നല്‍കിയാല്‍ ആബീ ഇന്‍ഷ്വറന്‍സില്‍ അംഗമാകാമെന്ന് ക്ഷേമനിധി ബോര്‍ഡ് വാര്‍ത്താകുറിപ്പില്‍ അറിയിച്ചു.
ഇപ്രകാരം ആബി ഇന്‍ഷ്വറന്‍സില്‍ അംഗമായതിനുശേഷം പോളിസി സര്‍ട്ടിഫിക്കറ്റിന്റെ പകര്‍പ്പും ക്ഷേമനിധി പാസ്ബുക്കിന്റെ പകര്‍പ്പും സഹിതം ക്ഷേമനിധി ഓഫീസില്‍ നല്‍കിയാല്‍ മതിയാകും. കയര്‍ മേഖലയിലെ എല്ലാ തൊഴിലാളികളും ഈ അവസരം വിനിയോഗിച്ചു ആബിയില്‍ അംഗമാകണമെന്നും അതുവഴി പദ്ധതിയുടെ ആനുകൂല്യം ഉറപ്പാക്കണമെന്നും ബോര്‍ഡ് ചെയര്‍മാന്‍ അറിയിച്ചു.
ദര്‍ഘാസ് ക്ഷണിച്ചു
കൊച്ചി: മൂവാറ്റുപുഴ പട്ടികവര്‍ഗ വികസന ഓഫീസിനു കീഴില്‍ ഇടമലയാര്‍ ട്രൈബല്‍ എക്സ്റ്റന്‍ഷന്‍ ഓഫീസ് പരിധിയില്‍ വെളളാരംകുത്ത് കോളനിയില്‍ ബഡ് ചെയ്തശേഷം രണ്ട് വര്‍ഷം പ്രായമുളളതും രണ്ടടി ഉയരത്തില്‍ കുറയാത്തതും രണ്ട് തട്ട് ഇലയുളളതുമായ 750 ജാതി തൈകള്‍ (ഗതാഗത ചിലവടക്കം) വിതരണം ചെയ്യുന്നതിന് അംഗീകൃത നഴ്‌സറികളില്‍ നിന്നും ദര്‍ഘാസ് മുദ്രവച്ച കവറുകളില്‍ ക്ഷണിച്ചു. ദര്‍ഘാസ് സ്വീകരിക്കുന്ന അവസാന തീയതി ഒക്‌ടോബര്‍ 26 ഉച്ചയ്ക്ക് ശേഷം മൂന്നു വരെ. കൂടുതല്‍ വിവരങ്ങള്‍ക്ക് ഫോണ്‍ 0485-2814957.
തൊഴില്‍ അഭിമുഖം നാളെ(20)
കൊച്ചി: കാക്കനാട് ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ സ്വകാര്യ സ്ഥാപനങ്ങളിലേക്ക് നാളെ(20) അഭിമുഖം നടത്തും. കംപ്യൂട്ടര്‍ കെയര്‍ സപ്പോര്‍ട്ട്, ഡാറ്റാ എന്‍ട്രി, ഐടി ഐ, ബിടെക് മെക്കാനിക്കല്‍, ടെക്ക്‌നീഷ്യന്‍( ഐടി ഐ) തസ്തികകളിലേക്കാണ് ഒഴിവുകള്‍. യോഗ്യത: പ്ലസ്ടു, ബിരുദം, ഡിപ്‌ളോമ. പ്രായം 18-19. കൂടുതല്‍ വിവരങ്ങള്‍ക്ക് ഫോണ്‍: 0484 2427494.
Comments
Post a Comment