സൈബര്‍ശ്രീയില്‍ പരിശീലനം

വിദ്യാര്‍ത്ഥികള്‍ക്കുളള ശില്പശാല ഈസി കം ലാബ് 2016

കൊച്ചി: മഹാരാജാസ് കോളേജിലെ ബിരുദാനന്തര ബിരുദ ഗവേഷണ വകുപ്പ് ഹയര്‍ സെക്കന്ററി 11, 12 ക്ലാസുകളില്‍ പഠിക്കുന്ന സയന്‍സ് വിദ്യാര്‍ത്ഥികള്‍ക്ക് ഡിസംബര്‍ ഒന്ന്, രണ്ട് ദിവസങ്ങളിലായി ഈസി കം ലാബ് 2016 എന്ന പേരില്‍ രസതന്ത്ര ശില്പശാല നടത്തുന്നു ശില്പശാലയില്‍ പങ്കെടുക്കുവാന്‍ ആഗ്രഹിക്കുന്ന വിദ്യാര്‍ത്ഥികളും, വിദ്യാര്‍ത്ഥികളെ പങ്കെടുപ്പിക്കാന്‍ ആഗ്രഹിക്കുന്ന സ്‌കൂള്‍ അധികൃതരും നവംബര്‍ 25-ന് മുമ്പായി അസിസ്റ്റന്റ് പ്രൊഫസര്‍, ഡോ.എന്‍.ആര്‍.സൂജ (ഫോണ്‍ 8547118725) അസിസ്റ്റന്റ് പ്രൊഫസര്‍ പി.കെ.രജിമോന്‍, (ഫോണ്‍ 9995090128) എന്നിവരുമായി ബന്ധപ്പെടുക.

സൈബര്‍ശ്രീയില്‍ പരിശീലനം

കൊച്ചി: സി-ഡിറ്റിന്റെ സൈബര്‍ശ്രീ സെന്ററില്‍ സെര്‍വര്‍ അഡ്മിനിസ്‌ട്രേഷന്‍ ആന്റ് നെറ്റ്‌വര്‍ക്കിംഗ്, വിഷ്വല്‍ ഇഫക്ട് ആന്റ് ത്രീഡി ആനിമേഷന്‍ എന്നീ പരിശീന പദ്ധതികളില്‍ ഏതാനും ഒഴിവുണ്ട്. പരിശീലനങ്ങള്‍ക്ക് പട്ടികജാതി വിഭാഗത്തില്‍പ്പെടുന്ന ബിരുദധാരികളില്‍ നിന്നും അപേക്ഷ ക്ഷണിച്ചു.

സെര്‍വര്‍ അഡ്മിനിസ്‌ട്രേഷന്‍ ആന്റ് നെറ്റ്‌വര്‍ക്കിംഗ് പരിശീനത്തിന് ഐ.ടി, ഇലക്‌ട്രോണിക്‌സ്, കമ്പ്യൂട്ടര്‍ സയന്‍സ്, ഇലക്ട്രിക്കല്‍, ഇന്‍സ്ട്രമെന്റേഷന്‍ എന്നിവയില്‍ ബി.ടെക്/ഡിപ്ലോമ പാസായവര്‍ക്കും മറ്റ് ബിരുദമുളളവര്‍ക്കും പങ്കെടുക്കാം. പ്രതിമാസം 4500  രൂപ സ്റ്റൈപ്പന്റായി ലഭിക്കും.

ത്രീഡി ആനിമേഷന്‍ പരിശീലനത്തില്‍ ഏതെങ്കിലും വിഷയത്തില്‍ ബിരുദമുളളവര്‍ക്കും പങ്കെടുക്കാം. ബി.എഫ്.എ ഉളളവര്‍ക്ക് മുന്‍ഗണന. പ്രതിമാസം 4000 രൂപ സ്റ്റൈപ്പന്റായി ലഭിക്കും.

തിരുവനന്തപുരത്ത് നടക്കുന്ന ആറ് മാസത്തെ പരിശീലനത്തിന് യോഗ്യരായ ഉദ്യോഗാര്‍ഥികള്‍ വിദ്യാഭ്യാസം, ജാതി, വയസ് എന്നിവ തെളിയിക്കുന്ന സര്‍ട്ടിഫിക്കറ്റുകളുമായി പരിശീലനത്തിന് പങ്കെടുക്കാന്‍ സൈബര്‍ശ്രീ, സി-ഡിറ്റ്, പൂര്‍ണിമ, റ്റി.സി81/2964, ഹോസ്പിറ്റല്‍ റോഡ്, തൈക്കാട് പി.ഒ, തിരുവനന്തപുരം -695014 എന്ന വിലാസത്തില്‍ എത്തിച്ചേരണം. ഫോണ്‍: 0471 2323949 ഇ-മെയില്‍: cybersricdit@gmail.com