'പുതിയ ദരിശനം':1200 പേജ് നോവൽ എഴുതാനെടുത്തത് 14 വർഷം

'പുതിയ ദരിശനം':1200 പേജ് നോവൽ എഴുതാനെടുത്തത് 14 വർഷം

കൊച്ചി:'പുതിയ ദരിശനം'എന്ന തന്റെ നോവൽ എഴുതിത്തീർത്തത് 14 വർഷം
കൊണ്ടാണെന്ന് തമിഴ് സാഹിത്യകാരൻ പൊന്നീലൻ.കൊച്ചി രാജ്യാന്തര പുസ്തകോത്സവം
ലിറ്റ്‌ഫെസ്റ്റിന്റെ ഭാഗമായി എറണാകുളം ബി ടി എച്ചിൽ നോവലിന്റെ ഇംഗ്ലീഷ്
പരിഭാഷ-ന്യൂ ദർശനാസ-യുടെ പ്രകാശനത്തിൽ സംസാരിക്കുകയായിരുന്നു അദ്ദേഹം.

മിസ നിയമം രാജ്യത്തുണ്ടാക്കിയ പ്രത്യാഘാതങ്ങൾ പ്രമേയമാക്കിയ 1200
പേജുള്ള നോവൽ ഏഴുതവണ തിരുത്തിയും മാറ്റിയുമെഴുതിയെന്നും പൊന്നീലൻ
പറഞ്ഞു.പ്രൊഫ.മുളങ്കുന്നത്തുകാവ് കൃഷ്ണൻ  നമ്പ്യാരുടെ 'അഷ്‌ടദളം',പി ആർ
സുദർശൻ നായരുടെ 'ഗീതാപാഠം',പ്രശാന്തി ചൊവ്വരയുടെ 'ഭവിഷ്യപുരാണ
കഥകൾ',അഡ്വ.വി പത്മനാഭന്റെ 'നേർരേഖകൾ',എസ് സതീദേവിയുടെ
'ഉഷാമലരികൾ',പ്രൊഫ.ഗീതാലയം
ഗീതാകൃഷ്ണന്റെ 'അനർഘങ്ങളായ ഭാരതര്തനങ്ങൾ'തുടങ്ങിയ പുസ്തകങ്ങളും പ്രകാശനം ചെയ്തു.

പ്രൊഫ.എം കെ സാനു,ചാക്കാണി മുത്തു ,പ്രൊഫ.പി ആനന്ദകുമാർ,എ എം
സാലൻ,ലക്ഷ്മണൻ,അഡ്വ.എൻ നഗരേഷ്,ശ്രീകുമാരി രാമചന്ദ്രൻ,പ്രൊഫ.സി ആർ
ഓമനക്കുട്ടൻ,പ്രയാർ ഗോപാലകൃഷ്ണൻ,ഡോ.മുഞ്ഞിനാട് പത്മകുമാർ,രവി
കുറ്റിക്കാട്,വി  കലാധരൻ തുടങ്ങിയവർ പങ്കെടുത്തു. റീജ ജോസ് കഥ
അവതരിപ്പിച്ചു.



'ക്ലാസിക്ക് കൃതികൾ ജീവിതത്തിന്റെ മഹത്വം വ്യക്തമാക്കുന്നു'

കൊച്ചി:ജീവിതത്തിന്റെ മഹത്വം വ്യക്തമാക്കുന്നതാണ് ക്ലാസിക്ക് കൃതികളെന്ന്
ഡോ.കെ ജി പൗലോസ്.കൊച്ചി രാജ്യാന്തര പുസ്തകോത്സവത്തിന്റെ ഭാഗമായ
ലിറ്റ്‌ഫെസ്റ്റിൽ  'ഇന്ത്യൻ ക്ലാസിക്കുകൾ' ചർച്ചയിൽ അധ്യക്ഷത
വഹിക്കുകയായിരുന്നു അദ്ദേഹം.

ജീവിതമെന്ന സമസ്യ തുറന്നുകാട്ടുന്ന ക്ലാസിക്കുകൾ ജീവിതത്തിന്റെ മൂല്യവും
വ്യക്തമാക്കുന്നു.ജീവിതത്തിന്റെരഹസ്യങ്ങളും മൗനവും ഈ മഹത് കൃതികൾ
വെളിപ്പെടുത്തുന്നുവെന്നും ചർച്ച അഭിപ്രായപ്പെട്ടു.

ഡോ.എം വി നടേശൻ,വി ആർ അനിൽകുമാർ  എന്നിവർ പങ്കെടുത്തു.  അമീഷ്
ത്രിപാഠിയുമായി ഡോ.ലത നായരും വി പി ധനഞ്ജയനുമായി എ പ്രഭാകരനും
മുഖാമുഖംനടത്തി.ലോകസാഹിത്യവും നൊബേൽ
പുരസ്കാരവും എന്ന വിഷയത്തിൽ  ഡോ.ടി പി ശ്രീനിവാസൻ  പ്രഭാഷണം നടത്തി.

കേരളനടനം പുസ്തകപ്രകാശനം,എം എൽ എമാരായ വി ഡി സതീശൻ,അനൂപ് ജേക്കബ് എന്നിവരുടെ
പ്രഭാഷണം,നൃത്തസന്ധ്യ എന്നിവയും നടന്നു.


സ്ത്രീകൾ സാമൂഹ്യ ബോധത്തിൽ നിന്ന് ഒഴിഞ്ഞു നിൽക്കുന്നു:രാജേഷ് ജയരാമൻ

കൊച്ചി:സാമൂഹ്യപ്രശ്നങ്ങളെ നേരിടാനും വെല്ലുവിളിക്കാനും പ്രാപ്തമായ
സാമൂഹ്യാവബോധമുണ്ടെങ്കിൽ സ്ത്രീകൾക്ക് സിനിമയിൽ മികച്ച അവസരം
ലഭിക്കുമെന്ന് തിരക്കഥാകൃത്ത് രാജേഷ് ജയരാമൻ.സെന്റ്  തെരേസാസ് കോളേജിൽ
കൊച്ചി രാജ്യാന്തര പുസ്തകോത്സവത്തിന്റെ ഭാഗമായ ലിറ്റ്‌ഫെസ്റ്റിൽ
വിദ്യാർത്ഥികളുമായി സംവദിക്കുകയായിരുന്നു അദ്ദേഹം.

ഓഫിസ് ജോലികളിലും കുടുംബ പ്രാരാബ്ധങ്ങളിലും ഒതുങ്ങി സ്ത്രീകൾ സാമൂഹ്യ
ബോധത്തിൽ നിന്ന് ഒഴിഞ്ഞു നിൽക്കുന്നു.അതുകൊണ്ടാണ് സ്ത്രീകൾ കലാരംഗത്ത്
കൂടുതലായി ഉയർന്നുവരാത്തത്.സിനിമയേക്കാൾ സീരിയലാണ് സ്ത്രീകൾക്ക്
കടന്നുവരാണ് കൂടുതൽ യോജിച്ച മാധ്യമമെന്നും രാജേഷ് ജയരാമൻ പറഞ്ഞു.ഇംഗ്ലീഷ്
അധ്യാപിക ടെസി രാജേഷിന് ഉപഹാരം നൽകി.