സമ്പൂര്‍ണ വൈദ്യുതീകരണ പ്രഖ്യാപനം ഡിസംബര്‍ 6-ന്
കൊച്ചി: എറണാകുളം നിയോജകമണ്ഡലത്തിലെ സമ്പൂര്‍ണ വൈദ്യുതീകരണപ്രഖ്യാപനം ഡിസംബര്‍ 6-ന് പത്തുമണിക്ക് ടൗണ്‍ ഹാളില്‍ നടക്കുന്ന ചടങ്ങില്‍ വൈദ്യുത മന്ത്രി എം.എം.മണി നിര്‍വഹിക്കും.
എം.എല്‍.എ ഹൈബി ഈഡന്‍ അധ്യക്ഷത വഹിക്കുന്ന ചടങ്ങില്‍ എം.പി. പ്രൊഫ:കെ.വി.തോമസ് മുഖ്യപ്രഭാഷണം നടത്തും. മേയര്‍ സൗമിനി ജെയിന്‍, ജോണ്‍ ഫെര്‍ണാണ്ടസ് എം.എല്‍.എ, ജില്ല പഞ്ചായത്ത് പ്രസിഡന്റ് ആശ സനില്‍, ജില്ല കളക്ടര്‍ മുഹമ്മദ് വൈ സഫീറുളള, ഡപ്യൂട്ടി മേയര്‍ ടി.ജെ.വിനോദ്, ചേരാനല്ലൂര്‍ ബ്ലോക്ക് പഞ്ചായത്ത് പ്രസിഡന്റ് എം.ആര്‍.ആന്റണി, കോര്‍പറേഷന്‍ പ്രതിപക്ഷനേതാവ് കെ.ജെ.ആന്റണി തുടങ്ങിയവര്‍ സംബന്ധിക്കും.
വിവരാവകാശ സെമിനാര്‍
കൊച്ചി: ഇന്‍സ്റ്റിറ്റിയൂട്ട് ഓഫ് മാനേജ്‌മെന്റ് ഇന്‍ ഗവണ്‍മെന്റ് (ഐ.എം.ജി) കുടുംബശ്രീ പ്രവര്‍ത്തകര്‍ക്ക് വിവരാവകാശ നിയമസെമിനാര്‍ സംഘടിപ്പിച്ചു. വിവരാവകാശനിയമം സദ്ഭരണത്തിനുവേണ്ടി എങ്ങിനെ ഫലപ്രദമായി ഉപയോഗിക്കാം എന്ന ലക്ഷ്യത്തോടെയാണ് സെമിനാര്‍ സംഘടിപ്പിച്ചത്. എറണാകുളം അഡീഷണല്‍ ജില്ലാ മജിസ്‌ട്രേറ്റ് സി.കെ. പ്രകാശ് സെമിനാര്‍ ഉദ്ഘാടനം ചെയ്തു. ഐ.എം.ജി. കൊച്ചി റീജിയണല്‍ ഡയറക്ടര്‍ രാരി രാജന്‍ പരിപാടിയില്‍ അദ്ധ്യക്ഷം വഹിച്ചു. വിവരാവകാശനിയമം വളരെ കാര്യക്ഷമമായ നിയമമാണെന്നും അത് സാമൂഹ്യ നന്മയ്ക്കായും സദ്ഭരണത്തിനായും ഉപയോഗിക്കണമെന്നും സി.കെ. പ്രകാശ് പറഞ്ഞു. വിവരാവകാശ നിയമത്തെ അധികരിച്ച് അഡ്വ. ഡി.ബി.ബിനു, ഐ.എം.ജി. ഫാക്കല്‍ട്ടി അംഗങ്ങളും ഗവ: അഡീഷണല്‍ നിയമ സെക്രട്ടറിമാരുമായ ചന്ദ്രബോസ് പി.വി., സാദ്ദിഖ് എം.കെ, ഡോ. ജേക്കബ്ബ് വര്‍ഗ്ഗീസ്. തുടങ്ങിയവര്‍ സംസാരിച്ചു
എറണാകുളം ജില്ലയിലെ വിവിധ തദ്ദേശ സ്ഥാപനങ്ങളിലെ 50 കുടുംബശ്രീ പ്രവര്‍ത്തകള്‍ സെമിനാറില്‍ പങ്കെടുത്തു.
Comments
Post a Comment