കൊച്ചി: ഉള്‍നാടന്‍ മത്സ്യബന്ധനവുമായി ബന്ധപ്പെട്ട സബോഡിനേറ്റ് ലെജിസ്ലേഷന്‍ സമിതി ഇന്ന് (ഫെബ്രുവരി 9 )രാവിലെ 10.30ന് കടമക്കുടി പഞ്ചായത്ത് കോണ്‍ഫറന്‍സ് ഹാളില്‍ യോഗം ചേരും. 2010 ലെ കേരള ഉള്‍നാടന്‍ ഫിഷറീസ്, അക്വാകള്‍ച്ചര്‍ ആക്ടിലേയും അതിന്റെ അടിസ്ഥാനത്തില്‍ പുറെപ്പടുവിച്ച ചട്ടങ്ങളിലേയും വ്യവസ്ഥകള്‍ സംസ്ഥാനത്ത് കാര്യക്ഷമമായി നടപ്പിലാക്കുന്നുണ്ടോ എന്നതു സംബന്ധിച്ച് മത്സ്യബന്ധന വകുപ്പിലെ ജില്ലാ ഉദേ്യാഗസ്ഥരില്‍ നിന്നും സമിതി തെളിവെടുക്കും. കടമക്കുടി, പിഴല, മൂലമ്പിള്ളി, മുളവുകാട് എന്നീ പ്രദേശങ്ങള്‍ സന്ദര്‍ശിക്കും. യോഗത്തില്‍ ജില്ലയിലെ ഉള്‍നാടന്‍ മേഖലയില്‍ ഉള്‍പ്പെടുന്ന മത്സ്യത്തൊഴിലാളികള്‍ പങ്കെടുക്കണമെന്ന് ഫിഷറീസ് മേഖലാ ഡപ്യൂട്ടി ഡയറക്ടര്‍ അറിയിച്ചു.
അനെര്‍ട്ട് ബോധവത്കരണ ക്ലാസ്
കൊച്ചി: അനെര്‍ട്ട് ആവിഷ്‌കരിച്ചു വരുന്ന വിവിധ പദ്ധതികളുടെ ബോധവത്കരണ ക്ലാസും പദ്ധതികളുടെ ഉല്പന്ന പ്രദര്‍ശനവും ഫെബ്രുവരി 11-ന് എഡ്രാക്കിന്റെ സഹകരണത്തോട് കൂടി നടക്കാവ് ശ്രീ ദുര്‍ഗ്ഗ ആലങ്കാരിക ആഡിറ്റോറിയത്തില്‍ ഉച്ചകഴിഞ്ഞ് 2.30-ന് നടത്തും. ഉദയംപേരൂര്‍ ഗ്രാമപഞ്ചായത്ത് പ്രസിഡന്റ് ജോണ്‍ ജേക്കബിന്റെ അധ്യക്ഷതയില്‍ എം.സ്വരാജ് എം.എല്‍.എ ഉദ്ഘാടനം ചെയ്യും. അനെര്‍ട്ട് എറണാകുളം പ്രോഗ്രാം ഓഫീസര്‍ സി.ടി.അജിത്കുമാര്‍ ബോധവത്കരണ ക്ലാസ് എടുക്കും.
വനിതാ കമ്മീഷന്‍ അദാലത്ത്
115 കേസുകള്‍ പരിഗണിച്ചു
കൊച്ചി: ടി.ഡി.എം ഹാളില്‍ നടന്ന വനിതാ കമ്മീഷന്‍ അദാലത്തില്‍ 115 കേസുകള്‍ പരിഗണിച്ചു. 18 എണ്ണം പോലീസ് റിപ്പോര്‍ട്ടിങിനും ഏഴെണ്ണം ആര്‍.ഡി.ഒയ്ക്കും നാല് കേസുകള്‍ കൗണ്‍സലിങിനും അയച്ചു. 37 കേസുകള്‍ അടുത്ത അദാലത്തിലേക്ക് മാറ്റി. അയല്‍ തര്‍ക്കം, ശമ്പളതര്‍ക്കം, പിതൃത്വതര്‍ക്കം തുടങ്ങിയവയാണ് പരിഗണിച്ച കേസുകളിലേറെയും. കമ്മീഷന്‍ അംഗം ലിസി ജോസ്, അഡ്വ. മേഘ ദിനേശ്, അഡ്വ. സതീഷ്, മാത്യൂസ് സക്കറിയ, അഡ്വ. കെ.ജി. മേരി, ഫാമിലി കൗണ്‍സിലര്‍മാരായ സിനി, വനിതാ സെല്‍ സി.ഐ ഷാര്‍ലെറ്റ് മാണി, ഷിനി.കെ. പ്രഭാകരന്‍ തുടങ്ങിയവര്‍ പങ്കെടുത്തു.
Comments
Post a Comment