സ്വകാര്യ വ്യക്തികളും സ്ഥാപനങ്ങളും മാലിന്യം സ്വകാര്യസ്ഥലത്തുതന്നെ സംസ്‌കരിക്കണം: ജില്ലാ കളക്ടര്‍
മാലിന്യസംസ്‌കരണസംവിധാനം പരിശോധിക്കാന്‍ സമിതി
മുട്ടാര്‍പുഴയുടെയും അനുബന്ധതോടുകളുടെയും മലിനീകരണം തടയാനായി കര്‍ശന നടപടികളുമായി ജില്ലാഭരണകൂടം. മുട്ടാര്‍ പുഴയുടെയും അനുബന്ധ തോടുകളുടെയും തീരത്തുള്ള കച്ചവടസ്ഥാപനങ്ങള്‍, വീടുകള്‍, ഫഌറ്റുകള്‍, കമ്പനികള്‍ തുടങ്ങിയവയില്‍ നിന്നുള്ള മാലിന്യങ്ങള്‍ അവരവരുടെ സ്വകാര്യസ്ഥലത്തുതന്നെ ശാസ്ത്രീയമായി സംസ്‌കരിക്കണമെന്ന് ജില്ലാ കളക്ടര്‍ ഉത്തരവിട്ടു. മാലിന്യസംസ്‌കരണസംവിധാനം പരിശോധിക്കാനായി ദുരന്തനിവാരണനിയമപ്രകാരം സമിതിയെയും നിയോഗിച്ചിട്ടുണ്ട്.
മതിയായ മാലിന്യസംസ്‌കരണസംവിധാനം എര്‍പ്പെടുത്താത്ത വീടുകള്‍, ഫഌറ്റുകള്‍, കമ്പനികള്‍, കച്ചവടസ്ഥാപനങ്ങള്‍ എന്നിവയ്‌ക്കെതിരെ ദുരന്തനിവാരണ നിയമപ്രകാരം നടപടികളെടുക്കുമെന്നും കളക്ടര്‍ അറിയിച്ചു. എതെങ്കിലും സ്ഥാപനം മതിയായ സംവിധാനം എര്‍പ്പെടുത്തിയിട്ടില്ലെന്ന് സമിതി റിപ്പോര്‍ട്ടു നല്കുകയാണെങ്കില്‍ ആ സ്ഥാപനത്തിന്റെ പ്രവര്‍ത്തനം നിരോധിക്കും.
മുട്ടാര്‍പുഴ മഞ്ഞുമ്മല്‍ ഭാഗത്ത് കറുത്ത് ദുര്‍ഗന്ധം വമിക്കുന്ന രീതിയില്‍ ഒഴുകുന്നുവെന്നും ഇതുമൂലം നാട്ടുകാര്‍ക്ക് ശുദ്ധജലം ലഭിക്കാതിരിക്കുന്ന സാഹചര്യമുണ്ടെന്നും റിപ്പോര്‍ട്ടുകള്‍ ഉണ്ടായിരുന്നു. ഇതിനെത്തുടര്‍ന്ന് ജില്ലാ കളക്ടര്‍ കെ മുഹമ്മദ് വൈ സഫീറുള്ള സ്ഥലം സന്ദര്‍ശിക്കുകയും ജല അതോറിറ്റിയിലെയും, മലിനീകരണ നിയന്ത്രണ ബോര്‍ഡിലെയും ഉദ്യോഗസ്ഥരുമായി ചര്‍ച്ച ചെയ്യുകയും ചെയതു. എലൂര്‍ നഗരസഭയിലെ ജനങ്ങള്‍ക്ക് കുടിവെള്ളം നല്കുന്ന ട്രീറ്റ്‌മെന്റ് പഌന്റ് മുട്ടാര്‍ പുഴയുടെ തീരത്താണ്. പുഴയുടെ തീരത്തുള്ള സ്ഥാപനങ്ങളും വീടുകളും കമ്പനികളും മാലിന്യങ്ങള്‍ കുഴല്‍ വഴി പുഴയിലേക്ക് ഒഴുക്കുന്നുണ്ട്. അതുമുലം പുഴയില്‍ മാലിന്യം വര്‍ദ്ധിച്ചു വരികയാണെന്നും ഇത് കുടിവെള്ള പദ്ധതിയെ പ്രതികൂലമായി ബാധിക്കുമെന്നും മനസ്സിലാക്കിയതിനെത്തുടര്ന്നാ
പുഴയുടെ സമീപമുളള വ്യക്തികളുടെയും സ്ഥാപനങ്ങളുടെയും മാലിന്യസംസ്‌കരണ സംവിധാനം പരിശോധിക്കാനുള്ള സമിതിയില്‍ പറവൂര്‍ തഹസില്‍ദാരും എറണാകുളം മലിനീകരണ നിയന്ത്രണ ബോര്‍ഡിലെ ഇന്‍വയോണ്‍മെന്റല്‍ എഞ്ചിനീയരും ശുചിത്വമിഷന്‍ ടെക്‌നിക്കല്‍ അസിസ്റ്റന്റുമടക്കം എട്ടംഗങ്ങളാണുള്ളത്. മലിനീകരണ നിയന്ത്രണ ബോര്‍ഡ് എന്‍വയോണ്‍മെന്റല്‍ സര്‍വൈലന്‍സ് സെന്റര്‍ എക്‌സിക്യൂട്ടീവ് എഞ്ചിനീയര്‍, എലൂര്‍, കളമശ്ശേരി നഗരസഭകളിലെ ഹെല്‍ത്ത് ഇന്‍സ്‌പെക്ടര്‍മാര്‍, ജില്ലാ ഹെല്‍ത്ത് ഓഫിസര്‍, മേജര്‍ ഇറിഗേഷന്‍ എറണാകുളം സബ്ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ എന്നിവരാണ് മറ്റംഗങ്ങള്‍. സമിതി പരിശോധന നടത്തി നടപടി എടുക്കേണ്ട കേസുകള്‍ അന്നന്നു തന്നെ കളക്ടര്‍ക്ക് നല്കണമെന്നും മുഴുവന്‍ സ്ഥാപനങ്ങളുടെയും പരിശോധനാ റിപ്പോര്‍ട്ട് എഴു ദിവസത്തിനകം നല്കണമെന്നും കളക്ടര്‍ അറിയിച്ചു.
Comments
Post a Comment