ഓണത്തിന് വിവിധ വിഭാഗങ്ങള്‍ക്കുള്ള റേഷന്‍ വിഹിതം പ്രഖ്യാപിച്ചു

കൊച്ചി:  ജില്ലയില്‍ ഓണക്കാലത്ത് വിവിധ വിഭാഗങ്ങള്‍ക്കുള്ള പ്രത്യേക റേഷന്‍ പ്രഖ്യാപിച്ചു. നിലവില്‍ നല്‍കി വരുന്ന ഭക്ഷ്യധാന്യത്തിന് പുറമെയാണിത്. അന്ത്യോദയ അന്നയോജന വിഭാഗത്തിനും മുന്‍ഗണന വിഭാഗത്തിനും കാര്‍ഡ് ഒന്നിന് അഞ്ചു കിലോഗ്രാം അരി അല്ലെങ്കില്‍ ഗോതമ്പ് സൗജന്യമായി ലഭിക്കും. മുന്‍ഗണനേതര സബ്‌സിഡി വിഭാഗത്തിന് കാര്‍ഡൊന്നിന് അഞ്ചു കിലോഗ്രാം അരി കിലോഗ്രാമിന് രണ്ടു രൂപ നിരക്കിലും ആട്ട കിലോഗ്രാമിന് 15 രൂപ നിരക്കിലും ലഭിക്കും. മുന്‍ഗണനേതര നോണ്‍ സബ്‌സിഡി വിഭാഗത്തിന് അഞ്ച് കിലോഗ്രാം അരി കിലോഗ്രാമിന് 8.90 രൂപ നിരക്കിലും ആട്ട കിലോഗ്രാമിന് 15 രൂപ നിരക്കിലും ലഭിക്കും. 

കാര്‍ഡ് ഉടമകള്‍ക്ക് സെപ്തംബര്‍ മൂന്നു വരെ അനുവദിച്ച ഈ സ്‌പെഷ്യല്‍ റേഷന്‍ വിഹിതം കടകളില്‍ നിന്നും ലഭ്യമാകുന്നത് സംബന്ധിച്ച് എന്തെങ്കിലും പരാതി ഉണ്ടെങ്കില്‍ ജില്ലാ സപ്ലൈ ഓഫീസ്, താലൂക്ക്/സിറ്റി റേഷനിങ് ഓഫീസുകള്‍ എന്നിവിടങ്ങളില്‍ അറിയിക്കാവുന്നതാണ്. ഫോണ്‍ നമ്പറുകള്‍ ചുവടെ:

ജില്ലാ സപ്ലൈ ഓഫീസ് 0484 2422251, സിറ്റി റേഷനിങ് ഓഫീസ് എറണാകുളം 0484 2390809, കൊച്ചി 2222002, താലൂക്ക് സപ്ലൈ ഓഫീസ് കണയന്നൂര്‍ 2777598, കൊച്ചി 2224191, ആലുവ 2623416, പറവൂര്‍ 2442318, കുന്നത്തുനാട് 2523144, കോതമംഗലം 0485 2822274, മൂവാറ്റുപുഴ 2814956.