ഏലൂർ മെട്രോ യാർഡിലെ തൊഴിൽ തർക്കം ഒത്തുതീർന്നു

കൊച്ചി: കൊച്ചി മെട്രോയുടെ ഏലൂർ യാർഡിൽ സോമ കോൺസ്റ്റ്‌ക്ഷന് കീഴിൽ തൊഴിലെടുക്കുന്ന ഇതര സംസ്ഥാനക്കാരായ ഇരുന്നൂറിലധികം തൊഴിലാളികൾക്ക് കഴിഞ്ഞ ആറുമാസമായി ശമ്പളം ലഭിക്കാതിരുന്നതിനെ തുടന്ന് കേരള മൈഗ്രന്റ് വർക്കേഴ്‌സ് യൂണിയൻ [എ ഐ ടി യു സി ] നേതൃത്വത്തിൽ നടത്തിവന്ന സമരം ഒത്തുതീർന്നു.ഡി എം ആർ സി വെൽഫെയർ ഓഫീസർ തമ്പി,എൻജിനീയർ പോൾ  എന്നിവരുടെ സാന്നിധ്യത്തിൽ യൂണിയൻ ഭാരവാഹികളായ പി കെ ജോഷി,വി എ സിയാദ്, സോമ കൺസ്ട്രക്ഷൻ പ്രതിനിധികളും സബ് കോൺട്രാക്‌റ്റേഴ്സും തമ്മിൽ നടത്തിയ ചർച്ചയിലാണ് സമരം ഒത്തുതീർന്നത്. ഇതുപ്രകാരം കരാറുകാർ വരുത്തിയിട്ടുള്ള ശമ്പള കുടിശ്ശിക ഡി എം ആർ സി അധികൃതർ തൊഴിലാളികൾക്ക് വിതരണം ചെയ്തു.